انت هنا : الرئيسية » مسابقة صياد السمك » مقالات » نصائح في صيد البوري – صياد اسكندراني يفصح عن اسرارة

نصائح في صيد البوري – صياد اسكندراني يفصح عن اسرارة

نصائح في صيد البوري – صياد اسكندراني يفصح عن اسرارة

EGYPT-TXTنصائح في صيد البوري
بوصه مش اقل من 7 او 8 متر ( علشان البوري بيشوف كويس قوي كل ما كان بعيد عنك افضل )
شعر 30 او 25 قوي والترميل للقرمة 15 او 12.5 قوي شفاف طبعا
فله صغيرة حجم البندقة احمر تحت ابيض فوق القرمة جوز متوسط 35 و40 سم وشلاط فرنساوي 18 لو لاطعم عجين مطبوخ او سن 24 نرويجي ملوي لو الطعم لبابة عيش فينو طازجه تاخدها من قلب الرغيف كل مره تطعم فيها وتحط الرغيف في جيب لقميص علشان حرارة الجسم يفضل اللبابه طازه وتضغط اللبابة علي السن بسيط وتمرجح الشعر متشوحش
الزفر مفرول وكور صغيرة ترميها في نص دائرة انت مركزها مع مراعاه تيار المياه ده لو انت دخاخل جديد عي المصيد ولو فيه ناس قبلك وشغالين شوف الزفر ماشي ازاي وترمي بسيط قدامك بس
طبعا توزن الفله بتاعتك برصاصة فوق المدور علي الشعرة علشان تحس باي همسة
هام جدا
البوري بيلحس العجين مبيبلعش علي طول وبيسحب مش بيجري بالطعم لو غرقان ولو عايم بيسحب الي الامام
الاحساس بالسمكة
لو البوري غرقان ش عايم بينمل الفله بسيط كده بياكل وبعدين يادوب تغطس 1 سم بس لو مركب شلاط رد علي طول بنتشة تحت المية من اللبلوب ودي لازم تتمرن عليها علشان متفزعش السمك ولو لبابة عيش الفلة حتغطس بسيط ترد علي طول .
لو البوري عايم وانت شايفه تقصر العيار الفلة ييادوب فوق الرصاصة ب 40 سم ولما الفله تجري لقدام رد علي طول لكن بعقل وترمي زفر بسيط خشن شوية والطعم في وسطه .
راقب الصيادين كويس واعرف العمق منهم طبعا مش حيقولو لك  – متتحركش كتير وركز واصبر صبر ايوب -
اللي رايح للبوري ميشغلش نفسه بسمك تاني  بلاش دوشه ومتقفش كتير لو السمك حاضر
رمي الشعر علي امتداد البوصه لاخر مدي علشان خيال البوصه بيهرب السمك ( البوري جبان جدا) ا
واعطيك سر وهدية
لو فيه تحتك علي البلوكات حشف عبارة عن هياكل كلسية هشه حاول تجرف منها وتجمع في جردل مثلا وفقشها وزفر بيها البوري بيتجنن عليها وتجيله هستريا . لكن متعرفش تطعم بيها
ولو لقيت فيها دود ده ينفع جدا لمعظم اسماك الشاطيء

[heading style="1"]كتاب صياد اسكندراني يفصح عن أسرارة من تاليف السيد / مصطفى ناجي . و مؤلف الكتاب مشارك بة فى مسابقة صياد السمك . هذا و ان شاء الله سوف يتم نشر الكتاب على عدة حلقات و سوف يتم اعدادة بصيغة اليكترونية للتحميل المجاني فى اخر فصل .[/heading]

تعليقات (23)

  • اسامه الامام

    اولا شكرا للمجهود الذى قام به الاخ مصطفى ناجى و اعتقد ان هذه طريقة مبسطة لصيد البورى و انه يوجد طرق كثيرة لصيد البورى فصيد البورى شرحه يحتاج مجلد و الطعم ممكن سردين روسى او دود و كل نوع من البورى له طريقة و كل وقت و له عمق صيد و طعم و طريقة عمل العجينة اقبال البورى على المطبوخة ضعيف و كلما كانت على البارد و طرية مطاطة كلما اقبل عليها اكثر المهم ان صيد البورى ممتع و مجزى و فن و خبرة و انا استمتع بصيده تسقيط من على كوبرى و ثانيا شكرا اخى مصطفى ناجى

    رد
  • محمدعطية

    مشكور اخى على المجهود الطيب الذى تقوم بة وانك تحاول ان تنقل تجاربك التى مريت بها فى الصيد
    واحب ان اضعك على بعض النقاط التى قد تساعدك وخاصة فى صيد البورى حتى يستفيد السادة القراء حيث اننى لا استطيع ان اشارك بصفتى احد المحكمين فى هذة المسابقة ولكن احب ان يستفيد الجميع وسوف اسرد لك بعض النقاط وحاول ان تتحدث بها وهى
    1- صيد البورى بالسندوتش
    2= صيد البورى الكنبوت
    3-صيد البورى بالسردين
    4 صيد البورى بالدود المشرشر
    5-صيد البورى بالعجينة النية والعجينة المطبوخة
    6-صيد البورى بطريقة الربع سواء انة ثابت او عايم
    7- صيد البورى بطريقة التلطيش
    ولكىيكون الموضوع ايضا شيقا ياريت تذكر انواع البورى والطرق المستجبة فى صيدة فى البحر او فى المياة العذبة
    وبالتوفيق انشاء الله

    رد
    • mostafa nagy

      ا محمد عطيه جزاك الله كل خير واحب اقول لحضرتك ان للاسف الفاصل الخاص بصيد البوري في كتابي كنت باجهزه علي برنامج الميكرو سفت ورد وكنت باتكلم فيه عن كل الطرق المذكوره لكن عن الحفظ تم حفظه خطا في اليونيكود مما نتج عنه تحول الكلمات الي علامات استفهام كلها بعد ساعات من الكتابه ولم اتمكن من استعادتها .

      رد
  • مجرد صياد

    “راقب الصيادين كويس واعرف العمق منهم طبعا مش حيقولو لك”

    ده جزء من كلام حضرتك
    ممكن اعرف السبب ايه في ان الصيادين مش حيقولوا العمق ايه
    يعني لو انا جيت اصطاد جنب حضرتك مش حتقول ايه العمق اللي اشتغل عليه لو لاقيتني مش شغال صح؟؟؟

    رد
    • mostafa nagy

      زي ما قلك الريس سامح طريقه سؤالك انك صياد لكن اسلوب سؤالك لا يشجع علي الرد لانك بتفتش في نقط معينه انت عاوز تقول المعلومه فيها طيب ما تقول وخلاص

      رد
  • سامح ابو مصطفى

    مشكور استاذ مصطفى ناجى
    على المجهود الكبير فى شرح صيد البورى
    ولفت نظرى كلام الاستاذ اسامه الامام ان صيد البورى يحتاج مجلد هو بالفعل كذلك
    وكذلك رد الاستاذ محمد عطيه بالسؤال عن 7طرق لصيد البورى
    فبرجاء الرد حتى يستفيد الساده القراء
    لانها بالفعل اساله مهمه
    وهنا سؤال يواجهنا كم نو من اسماك البورى موجوده
    وهل كل نوع له طريقه فى الصيد؟
    سؤالى للاستاذ مجرد صياد يظهر من ردود حضرنك انك تتمتع ببعض المعرفه فى الصيد
    فلم لا تعرض بعض خبراتك للاستفاده للنقاش ختى نطلع فى الاخر باحسن الطرق للصيد

    رد
  • محمد طاهر

    شكرا لجميع المشاركين بجد معلومات مفيدة بس احب اضيف حاجة بسيطة اوى عن صيد البورى
    اولا البورى كذا نوع
    1- بورى سفرى
    2- بورى مستوطن
    3- بورى كنابيت
    4- جرانة
    5- توبارة
    6- فحارة
    7- سهيلة
    طبعا اهم شرط من شروط صيد البورى اولا متعورش السمكة يعنى تتاكد تماما ان الشدة بالسمكة مش بقشرة او ببق لانة فعلا جبان وكمان قشرة وبقة ضغيف جدا
    احسن طعم لية بلا منافس هوة العجينة لان البورى ملوش اسنان بيمشى يلحس الطفيليات اللى على سطح الارض فا بالنسبة له اسهل والذ طعم هوة العجينة بجميع انواعها
    احسن طريقة ظفر لية نوعين اولا بكنسة العيش وبالرز
    كنسة العيش دى بنجبها من افران ومخابز العيش البلدى ( الدقيق والخميرة والردة اللى بتقع على الارض فى عملية تصنيع العيش ) وبنخلطها بشوية رمل وشوية مية ونعملها كور ونرميها فى المكان اللى بنصطاد بية دى سهلة
    ثانيا : الرز بتاعنا العادى بواقى الاكل بتاعتنا ( رز ابيض بس طبعا ) داة بيترش ويتبدر بية المية – حبوب الرز دى بتجمع البورى
    طرق صيدة نوعين
    اولا : حساس – بوصة 4 متر وبتعتمد على الاعصاب وقوة النظر والملاحظة هى طريقة صعبة جدا بس من احسن الطرق وطريقة شرحها طويل شوية بس طبعا لازم يكون فى عمق
    ثانيا : بعوامة او غماز ودى اللى ممكن نستخدم فيها بوصة 7 او 8 متر
    بس ملحوظة بسيطة
    للسيطرة اكتر على صيد البورى يستحسن الصيد ببوصة 4 متر وبطريقة الحساس
    شكرا للمعلومات المفيدة جدا دى

    رد
  • أبو أنس

    الأخ الفاضل صاحب المقال
    جزاك الله كل خير. وكلام الأخ محمد طاهر عن اصطياد البوري بالحساس وهو ما يعرف بالربع أو المشنقة كلام سليم جدا. وأود أن أضيف بعض الإضافات من خلال خبرتي الضعيفة بصيد البوري.
    1- سمكة البوري سمكة حساسه قوي يعني لو شكت في أي شيئ بتمشي من تحتك.
    2- كلما كان الشعر رفيعا كان أفضل ولكن تحتاج لخبرة في رفع السمكة.
    3- حاول يكون جانبك ملقاف وأنت تصطاد البوري حتى لو طلعت السمكة ضعها في الملقاف لحد ما تخلصها من السنار.
    4- امسك السمكة بأن تقبض عليها من الخيشوم بأصبعين السمكه كده بتتبنج وما تتحركش.
    5- العيش المستخدم في الصيد لابد أن يكون بايت.
    6- تحتاج لأن تغير الربع أو المشنقة بعد كل سمكة كبيرة لأنها بتبهدل الربع..
    7- لو بترمي بالربع حاول تكون البوصة وشها ناشف شويه.
    والسلام عليكم

    رد
  • freesyriafreesyria

    السلام عليكم وشكران على الشرح انا هون في قبرص تعلمت طعم من احسن الطعوم لبوري وحتى بجيب سمك تاني يمكن تستغرب بس والله هدى طعم رهب الطعم شويت طحين وشويت توم اه توم يلي بنكلو بس لزم يكون بدرى زي الطحين ما بعرف اذا متوفر عندكم هيك توم بس هون في بي السبرمركات هيك توم الطريقة كوب طحين و نص ملعقة صغيرة ثوم ولزم يكون العجين طري شوي بس ما يلتصق بي اليد

    رد
  • ali shaykhouni

    احسن طريقة لصيد الوري هي عندما يكون القمر قريب وسطح البحر اعلى و العم اعمل عجينة ب ماء مع سكر و سمن عربي واعجنها وزفر بشوية منها والباقي كل ما رميت القصبة هتطلع سمكة بوري ّّ َ وشكرا

    رد
  • محمد ابو خليل

    جزاكم الله خيرا

    اشكر كل من قدم اى معلومة حيث ان هذه المعلومات لا تقدر بثمن

    رد
  • محمد ابو خليل

    ياريت لو حد ساكن قريب منى يأخذنى معاه فى رحلة

    رد
  • ابو زياد

    انا بصطاد البوري طول عمري بالعجينه العاديه المطبوخه. دقيق وسكر وزيت وماء. وبزفر بالخبز. والشعر 18 وسلاح musted وبوصه 5متر. بس سمعت من صديق يعيش في الامارات بطريقة عمل عجينه غير. عباره عن خبز فينو وماء وسكر وبيضه وكله على البارد وبيصطاد بيها معظم انواع السمك بس لسه ما جربتهاش ولو حد عنده علم بيها ممكن يشرح. وجزاك الله علي الموضوع الجميل

    رد
  • احمد

    مين هون من لبنان

    رد
  • احمد

    0096171990823 في حدا يتواصل معي بدي آخد شوي معلومات

    رد
  • طارق الاسكندرانى

    يا جماعة صيد البورى مفيش اسهل منة بس الحكاية انة سعات بيرغب الجينة النية وسعات العيش وسعات العجينة المطبوخة واهم حاجة فى صيد البورى تجميعة وانك متعكسش علية علشان ميطفش من تحت منك وميكنش حد بيزفر جمب منك والبورى صيدة سهل جدا

    رد
  • طارق الاسكندرانى

    وكمان فى الصيف لية سنار والشتاء لية سنار يعنى فى الصيف بيكون بقة كبير وفى الشتاء بقة صغير والكلام دة حيفهما الى صياد بقالة مدة كبيرة واى استفسار انا تحت امركم جميعا فى صيد البورى

    رد
  • طارق الاسكندرانى

    وكمان للعلم البورى دقيق ومية فقط وتديف المية لحد مطبقا زى عجينة الاطايف مثلا وبعدين تتحط على النار هادئة وتفضل تالب لحد متماسك مع بعضها وبعدين تبل ايدك مية وتعد تتعك فيها لحد متلقيها بقات مية مية وتسها تبرد وشوف النتيجة اية ويريت الرد على الطريقة دى وللعلم من غير سكر ولا زيت

    رد
  • طارق الاسكندرانى

    انواع البورى جران دبارة كمبوت شالون بحيرى اصفر ودن وجعبوب واللة العظيم البورى مفيش اسهل منة فى الصيد ومش محتاج كتب ولا حاجة اهم حاجة انك تظفر كويس وتشوف تيار المية ماشى ازاى علشان ممكن نجمة بس يكون بعيد عنك ومتعرفش تصطادة بمعنى لو تيار المية ماشى على جوة يبقى لازم ترمى الظفر تحت منك علشان يتجمع ادام منك مش بعيد عنك اظن كلامى مفهوم تعرف التيار ماشى ازاى ادى كل الحكاية ولو اتجمع تحت منك حتعرف انة صيدة سهل جدا مش بالصعوبة الى الخوة العزاء بيتكلمة عنها

    رد

اكتب تعليق

الصعود لأعلى