صيد الشراغيش في البحر العالي فين الشراغيش طبعا دي تحت البلوكات وفي الشقوق والجحور بين البلوكات الخطرة والحل كان الاتي نص البوصة شعر وفي الاخر رصاصة بلية وسط لما تفرد البوصه متقوسش اللبلوب وفوق الرصاصة ب30 سم فرع واحد 40 سم وسن واحد 7 كفته والطعم طبعا نطاط او عقر صغير
وتنشن وتسقط في الفتحات والشقوق العميقة بين البلوكات القريبة من البحر تنزل حتي تحس الارض وبعدين ترفع شبر وعيب الطريقة دي اما وعر او الشرغوش ياخدك الوعر ويحز الشعر وبرضه يقطعه . ولو حد غاوي تعب يكون وزنك خفيف وتلبس كوتشي مبيزحلقش وعده خفيفة وحبل وخطاف لزوم الطواريء ممكن تنزل بلوك متعرفش تطلع منه ومحدش حيسمعك بتنادي. و من اسرار الصيادين
طبعا كلنا عارفين ان صيد الشراغيش من الشاطيء بيكون في الميه الفايره وبين الصخور وحروف الوعر لكن المشكله ان السمكه دي بتاكل بشراهه في الجو ده لكن الطعم لازم ينزل لها لعندها مش حتروح له ابدا خاصه الكبيره لان كل شرغوش كبير او تيس خصوصا بيكون له جحر يدافع عنه وله منطقه نفوز زي البلطي الخنيني كده . دي المقدمه اما السر اللي ممكن يكون مش سر علي المخضرمين طبعا هوه
عندما يكون البحر ساكن تماما والمياه صافيه زجاجيه بنروح اماكن صيد الشراغيش المعتاده وبيكون معانا ( صوبع طباشير او صوبع فحم ) غريبه مش كده بنمر علي المصايد ونبص كويس في الميه ونقوم بتعليم الابيار والجحور والشقوق بعلامات علي الشط وده بطول المصيد واحيانا بنشوف التيوس بالذات سارحه في الميه دي وعمرها محتاكل بالنهار في الميه دي بنعلم عليها بعد متابعتها والتاكد من مكان الجحر ولو عايزها ارجعلها المغربيه او بالليل .
ولما البحر يعلي والميه تتغير وتفور حيكون سهل عليك تقف علي راس الشرغوش وتجيبه من قفاه
[box type=”note”]كتاب صياد اسكندراني يفصح عن أسرارة من تاليف السيد / مصطفى ناجي . و مؤلف الكتاب مشارك بة فى مسابقة صياد السمك . هذا و ان شاء الله سوف يتم نشر الكتاب على عدة حلقات و سوف يتم اعدادة بصيغة اليكترونية للتحميل المجاني فى اخر فصل .[/box]
معلومات مفيدة من هاوى مفكر
السلام عليكم : أحب أقول معلومة خاصة بالمياة العالية أنا دخلت حاجز الدخيلة الأسبوع اللى فات الساعة ستة ونصف صباحاً ولاقيت الموج جبال وعالى جداً قلت حلوى أوى رحت فارد الماكينة وكان معايا برغوت حى طعمت ورحت رامى على قد ماأدرت وعلى فكرة الرصاصة كانت كبيرة قد البلحة وأول مانزلت الرصاصة على الأرض لقيت اللى بيشد رحت راضد عليها ولميت لقيت شرغوش فوق النص كيلو وفضلت على هذا الحال لحد الساعة حداشر كان معايا حوالى أربعة كيلو مقاسات كلها كفافى وأكبر بس وعرت كذا مرة لأن المكان كان كلة وعر وفى أماكن فى وسط الوعر رملة هى دى اللى كنت برمى فيها .
تمام ي ا حسن ومش اي حد يعرف شغل الميه العاليه الله ينور عليك
بصراحه انت راجل معلم وعارف أنت بتقول ايه. ربنا يجازيك خير على المعلومات دي.